ቅዱስ ዮሐንስ አቡቀለምሲስ (ወልደ ነጎድጓድ)

ልደቱና ጥሪው

ሐዋርያው ዮሐንስ ከዘብድዮስና ከማርያም ባውፍልያ መስከረም አራት ቀን ተወልዶ። በገሊላ አካባቢ አድጎ ገና በወጣትነቱ መድኃኒአለምን ተከትሎታል። ቅዱስ ዮሐንስ ከሐዋርያት ቀድሞ ጌታን ከመከተሉ ባሻገር በምንም ምክንያት ከጎኑ አይጠፋም ነበር። ስለንጽሕናውና በጎ የፍቅር ሕሊናው ሕፃን ሳለ በወንድሞቹ ሐዋርያት ዘንድ ሞገሱ ከፍ ያለ ነው። ዮሐንስ የሚለው ስም ዮሐናን ከሚለው ቃል የተገኘ ሲሆን ትርጓሜውም “ከያሕዌ (ከእግዚአብሔር )የተሰጠ“ ማለት እንደሆነ ብዙ ሊቃውንት ይስማማሉ። ትርጓሜ ወንጌል ግን “ዮሐንስ ማለት ፍስሐ ወሐሴት ማለት ነው" ይላል::

ስብከተ ወንጌልና ተአምራት

ቅዱስ ዮሐንስ በአንጾኪያ፣ በሎዶቅያና በኤፌሶን በስፋት አስተምሯል። በኤፌሶን በነበረበት ወቅት ሮምና በምትባል ሴት ቤት በእንጨት ፈላጭነት ሲያገለግል የሞተ ልጅን በማስነሳት ተአምር አድርጓል።

"በፍጥሞ ደሴት ተግዞ ሳለ ታላቁን የዮሐንስ ራዕይ መጽሐፍ ጽፏል።"