መግቢያ

የአዲስ አበባ ደብረ ነጐድጓድ ቅዱስ ዮሐንስ ቤተ ክርስቲያን በአዲስ አበባ ከተማ በድሮ አጠራር ከፍተኛ 1 ቀበሌ 03 የሚገኝ ሲሆን አሁን በአራዳ ክፍለ ከተማ ከፒያሳ መናገሻ ገነተ ጽጌ (አራዳ) ቅዱስ ጊዮርጊስ ተነሥቶ በሰሜናዊ ምዕራብ አቅጣጫ ወደ አስኮ በተዘረጋው የአርበኞች መንገድ በራስ ደስታ ሆስፒታል አካባቢ ይገኛል ከመንበረ ፓትሪያሪክ ጠቅላይ ጽ/ቤት የ3.6 ኪ ሜ ርቀት ያለው ሲሆን ስሙ ደብረ ነጎድጓድ ቅዱስ ዮሐንስ መባሉ ቅዱስ ዮሐንስ ወልደ ነጎድጓድ (የነጎድጓድ ልጅ) ተብሎ ስለሚጠራ ነው።

የቅዱስ ዮሐንስ ታቦት አመጣጥ

የፍቁረ እግዚእ ቅዱስ ዮሐንስ ወልደ ነጎድጓድ ታቦት ከአፄ ዮሐንስ ዘንድ ነበረ። እርሳቸውም ለንጉሥ ሚካኤል ሰጡት። ታቦቱ አዲስ አበባ አራዳ ቅዱስ ጊዮርጊስ ቤተ ክርስቲያን በደባልነት ገብቶ ተቀመጠ።

የነጋድራስ ሰርጸወልድ ቤት

ቤቱ በጊዜው ከነበሩት ቤቶች በአሰራሩ የተሻለ ሆኖ ፎቅና ምድር ያለው ሲሆን ታቦቱ ከሳር ክዳኑ ቤት ወጥቶ ወደዚህ ቤት በዚያው ዓመት በጥቅምት 4 ቀን 1914 ዓ.ም ቤቱ ተባርኮ ንግሥተ ነገሥታት ዘውዲቱ በተገኙበት ለ2ኛ ጊዜ ታቦቱ እንዲገባ ተደረገ።

አሁን ያለው ሕንጻ ቤተክርስቲያን

እሱ ከመሠራቱ አስቀድሞ ልዑል መኮንን ኃይለሥላሴ እና ብላታ ተሰማ። በጊቢው ውስጥ የእመቤታችን ቅድስት ድንግል ማርያም እና የሊቀ መላእክት ቅዱስ ሚካኤል መቅደስ ያለ ሲሆን ብዙዎች በቅርብ ሆነ በሩቅ ያሉ ምእመናን ፈውስ እና በረከት ለማግኘት የሚጠመቁባቸው አሥራ አራት የተለያዩ ጠበሎች ያሉበት ቤተ ሳይዳ የተሰኘ የጠበል ቦታም ከቤተ ክርስቲያኑ አጠገብ ይገኛል።